Мікалай Статкевіч на волі ― відэа
Больш за сотню людзей сустракалі экс-палітвязня позна ўвечары 22 жніўня на Усходнім вакзале Мінска.
Мікалая Статкевіча на Усходні вакзал Мінска прыйшлі сустракаць больш за сотню людзей. Гэта палітыкі, актывісты, сябры і звычайныя грамадзяне. Многія былі з падарункамі і кветкамі. Статкевічу вельмі доўга не давалі сысці. У выніку для яго нават зрабілі калідор і такім чынам праводзілі да аўтамабіля, на якім яго жонка Марына Адамовіч сама павезла былога кандыдата ў прэзідэнты дадому.
Статкевіч: Здолеў бы зрабіць выбары нелегітымнымі, але мяне выгналі з турмы
Нагадаем, 22 жніўня стала вядома, што Лукашэнка памілаваў шасцярых палітвязняў: Мікалая Дзядка, Ігара Аліневіча, Міколу Статкевіча, Яўгена Васьковіча, Арцёма Пракапенку і Юрыя Рубцова. Усе яны паспяхова дабраліся дадому.
