Міхаіл Грабоўскі не вызначыўся, ці адновіць кар'еру гульца

Міхаіл Грабоўскі не вызначыўся, ці адновіць кар'еру гульца

Беларускі хакеіст Міхаіл Грабоўскі не вызначыўся, завершаная яго гульнявая кар'ера ці яшчэ не. Пра гэта нападнік распавёў у эфіры праграмы "Авертайм" на тэлеканале "Беларусь 5".

У выніку страсення мозгу і наступстваў гэтай траўмы Грабоўскі не гуляў два гады. 

"Не магу наўпрост сказаць, што завяршыў кар'еру. Але да гэтага часу сутыкаюся з праблемамі. Напэўна, будзе складана вярнуцца і гуляць. Таму хачу быць у хакеі, глядзець, назіраць... Трэба прыняць правільнае рашэнне, вызначыцца, што мне далей рабіць", — прызнаецца спартовец.

Ён дадаў, што гатовы дапамагаць беларускаму хакею, нават жывучы ў Канадзе. А вось вяртацца ў Беларусь Грабоўскі не наважваецца — кажа, што сям'я ў яго канадская. "Але нават калі б знаходзіўся ў Беларусі, не змог бы надаваць столькі ўвагі, колькі павінен надаваць трэнер. Сыну толькі 11 месяцаў, хочацца бавіць час з ім", — дадае хакеіст. 

Апошнія навіны

Галоўнае

Выбар рэдакцыі