Мэрыя Вільні лічыць, што Беларусь уваходзіла ў склад Літвы (фота)
Гарадскі фантан ў гэтым горадзе ўпрыгожылі мапамі Літвы ў розныя гістарычныя перыяды.
У складзе літоўскай дзяржавы апынуліся таксама і тэрыторыі сучаснай Беларусі і Украіны, інфармуе Delfi.
Па словах дызайнераў фантана, гасцям Вільні складана сабе ўявіць, што Літва калісьці была памерам з сённяшнюю Францыю.
Упрыгожанне фантана раскрытыкаваў еўрадэпутат Вітаўтас Ландсбергіс. Ён быў абураны тым, што на мапах няма сучаснай Літвы. На яго думку, гэта "антылітоўская правакацыйная прапаганда". Ідэю не зразумелі і некаторыя гараджане. У іх склалася ўражанне, што "Літва ганарыцца тым, што калісьці заваявала тэрыторыю Беларусі і Украіны".
Фота — Delfi