Масквіч нелегальна прыйшоў з Іспаніі ў Беларусь
Яго затрымалі брэсцкія памежнікі. Мужчына паведаміў ім, што ідзе на радзіму. Дакументаў у яго не знайшлі.
Як паведамляе партал tut.by, мужчына падчас нелегальнага пераходу мяжы паспяхова пераадолеў сігнальны комплекс. Вярнуцца з Іспаніі, дзе ён доўгі час жыў, затрыманага прымусілі "складаныя ўмовы жыцця". Пры сабе расіянін меў турыстычны намёт, спальны мех, прылады для лоўлі і рыбы, карты Беларусі і Польшчы, камуфляжную форму з адзнакамі Іспаніі.
