Марын Ле Пэн закідалі яйкамі падчас візіту ў Брэтань
![Марын Ле Пэн закідалі яйкамі падчас візіту ў Брэтань](/sites/default/files/styles/gallery_main/public/2023-08/liopen-0405.jpg.webp?itok=3ixX-fnR)
Падчас візіту ў французскі рэгіён Брэтань кандыдатку на пасаду прэзідэнта Францыі Марын Ле Пэн закідалі яйкамі, паведамляе РБК са спасылкай на французскія СМІ.
У Брэтані ў лідаркі крайне правага Нацыянальнага фронту мусіла прайсці некалькі перадвыбарных мерапрыемстваў. У населеным пункце Доль-дэ-Брэтань яе картэж сустрэў натоўп праціўнікаў. Яны атачылі Лё Пэн і яе ахову, скандуючы "Прэч, фашысты" і "Вам тут няма чаго рабіць". Пасля гэтага яны пачалі кідаць у кандыдатку і яе ахову яйкі.
Ахоўнікі прыкрылі Ле Пэн і павялі яе ўбок ад натоўпу.
Падчас першага тура выбараў Ле Пэн набрала 21,53% галасоў. Яна займае другое месца пасля экс-міністра эканомікі Францыі Эманюэля Макрона (23,75%).
Другі тур выбараў прэзідэнта Францыі прызначаны на 7 траўня.