Вы тут

Маладзечанцаў, якія адбівалі затрыманага ў міліцыі, пасадзілі на тры гады

Павел Пяскоў быў у кайданках / Еўрарадыё

29 верасня маладзечанцаў, якія ў чэрвені адбівалі затрыманага ў міліцыі, пасадзілі на тры гады. Суд прызнаў Паўла Пяскова і Уладзіслава Еўсцягнеева вінаватымі ў супраціве міліцыянеру, звязаным з ужываннем гвалту. Пяскоў, які знаходзіўся пад вартай, атрымаў 3 гады і 3 месяцы зняволення ў калоніі агульнага рэжыму, Еўсцягнееў — 3 гады зняволення ў калоніі агульнага рэжыму, яго ўзялі пад варту ў зале суда. Менавіта такое пакаранне і прасіў вынесці пракурор Сяргей Габруковіч. Прысуд агучыла суддзя Вікторыя Паляшчук.

Гаворка ідзе пра падзеі 19 чэрвеня, калі ў Маладзечне прайшла акцыя салідарнасці. Група мужчын адбівала ў амапаўцаў затрыманага. Падзея атрымала шырокі розгалас, бо ў руках аднаго з амапаўцаў быў пісталет, і ўсё гэта трапіла на відэа. 

Павел Пяскоў / Еўрарадыё
Уладзіслаў Еўсцягнееў (злева) у зале суда / Еўрарадыё

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.