Магілёўскі гатэль "Турыст" прапануе гасцям "савецкі" нумар
Двухмясцовы нумар, аздоблены ў познесавецкім стылі, хутка будзе гатовы прыняць сваіх першых гасцей. Пакуль туды толькі водзяць экскурсіі.
Унутраная аздабленне нумара цалкам адпавядае выгляду савецкай гасцініцы: шпалеры, мэбля, сантэхніка, шкляны графін з гранёнымі шклянкамі на жалезным падносе, адэкалон "Трайны", фотаапарат ФЭД і іншыя рэчы.
Дырэктар турысцка-гатэльнага комплекса Генадзь Пяшко кажа, што наведванне нумара стане часткай экскурсійнай праграмы па развіцці турыстычна-экскурсійнай дзейнасці. Яго плануюць запусціць сёлета ў чэрвені, пішуць "Магілёўскія ведамасці".
На рэсэпшне так і не ўдалося даведацца, ці будуць сяліць у гэты нумар толькі жанатых або аднаполых, як практыкавалася ў Савецкім Саюзе. Цана за нумар таксама невядомая. Аднак сярэдні двухмясцовы нумар у гатэлі каштуе 440 тысяч рублёў без сняданку.
Фота — mogilevnews.by
