У беларускім гасцінічным бізнесе зафіксавалі рэкорд
На замежніка ў Мінску глядзяць з падазрэннем / minsknews.by
У беларускім гасцінічным бізнесе зафіксавалі рэкорд. Італьянец Жан-Поль Луіджы чацвёрты год жыве ў мінскім чатырохзоркавым гатэлі і ў бліжэйшыя месяцы высяляцца не плануе.
Як паведамляе minsknews.by, замежнік — бізнесмен. Ён удзельнічае ў мерыпрыемствах Мінгаркавыканама. Відаць, таму і заслужыў шыкоўную цырымонію віншавання з 1111-й ноччу ў гатэлі, на якой прысутнічалі прадстаўнікі сталічных уладаў.
Набыць жыллё ў Мінску італьянец плануе, аднак пакуль не спяшаецца: хоча "пераканацца ў працягу прафесійнай дзейнасці" ў Беларусі і "ацаніць перспектывы для яе развіцця". І цалкам слушна — верагодна, за тры гады чалавек усё ж зарыентаваўся ў сітуацыі.
