Вы тут

Мабільная праграма Digital Solidarity аб'яднае ўсе фонды дапамогі беларусам

BYSOL запускае праграму, якая аб'ядноўвае фонды дапамогі беларусам / pixabay.com

Фонд салідарнасці BYSOL запускае ўніверсальную мабільную праграму Digital Solidarity. Яна аб'яднае ўсе ключавыя фонды дапамогі беларусам, пацярпелым ад рэпрэсій. З дапамогай Digital Solidarity можна будзе фінансава падтрымліваць пацярпелых.

Галоўная мэта праграмы — злучыць усе заяўкі на дапамогу ў адным зручным інтэрфейсе. "Digital Solidarity будзе фармаваць і паказваць індывідуальны спіс людзей, якія маюць патрэбу ў дапамозе зыходзячы з вашых персанальных магчымасцяў і наладак", — кажуць распрацоўшчыкі.

Дапамогу праз Digital Solidarity можна будзе аказваць і разава, і рэгулярна. "Нават самая маленькая, але пастаянная дапамога зможа выратаваць жыцці многіх беларусаў, а Digital Solidarity паклапоціцца, каб вашыя сродкі пайшлі на самыя важныя і актуальныя просьбы аб дапамозе", — дадаюць аўтары.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.