Любімы сабака Рамзана Кадырава ўцёк з Чачні ў Інгушэцію
Каўказкая аўчарка па мянушцы Тарзан пры "нявысветленых абставінах" знікла з тэрыторыі рэзідэнцыі кіраўніка расійскага рэгіёна ў Грозным.
Кадыраў абвесціў узнагароджанне "таму, хто яе верне". І Тарзана знайшлі, праўда, не ў Чачні, а ў суседняй рэспубліцы. У Instgram Рамзан Кадыраў падзякаваў усім, хто ўзяў удзел у пошуках.
Высветлілася, што з Грознага сабаку вывезлі ва Урус-Мартан, а пасля памянялі на іншага сабаку з Інгушэціі. Цяпер Тарзана вязуць дахаты, інфармуе РІА "Новости".