Вы тут

“Ляпис-98” прамяняў Пружаны на Слуцк — і атрымаў з'едлівае графіці

6 траўня ў Пружанах мусіў адбыцца канцэрт "Ляпіса-98". Тур гурта Сяргея Міхалка па Беларусі зараз у самым разгары, ужо прайшлі выступы ў Светлагорску, Вілейцы і іншых гарадах. Але з Пружанамі нешта пайшло не так: група перанесла канцэрт на восень, спаслаўшыся на цяжкасці лагістыкі. А 6 траўня выступіла ў Слуцку.

Пружанскія фанаты "ляпісаў", зразумела, пакрыўдзіліся. У горадзе нават з'явілася графіці ў гонар Сяргея Міхалка: "Усюды сябар — нідзе гаспадар".

www.instagram.com/84n30

"Пружаны горад маленькі. Мы любім жыць мірна. Але ваяваць умеем лепш за ўсіх. Вуліцы шэпчуць пра тое, што ў Слуцку грашовы чэк даўжэйшы, таму прыярытэт апынуўся туды. Гэта ж зусім не вяжацца з Міхалком, хлопцы", — абураўся аўтар графіці. Зрэшты, пазней малады чалавек выдаліў пост і папрасіў прабачэння за рэзкія радкі. Маўляў, усвядоміў, што артысты сталі закладнікамі форс-мажорных абставінаў.