Лякарня хуткай дапамогі адхрысцілася ад скандальных фота з аперацыйнай

Агенцтву "Інтэрфакс" лекары заявілі, што ў іх няма ні радзільнага, ні гінекалагічнага аддзялення. Аперацыі, паказаныя на фота, у гэтай больніцы не робяцца.

Як заявіла галоўная медсястра Святлана Балабока, у іх лякарні няма супрацоўніцы, якая выклала скандальныя фота ў інтэрнэт. Фота галоўнага ўваходу ў лякарню, размешчанае на адпаведнай інтэрнэт-старонцы, медсястра назвала памылкай.

Як паведамляла Еўрарадыё, днямі ў сацыяльных сетках з'явіліся фотаздымкі з аперацыйнай, якія выклікалі скандал. На іх паказваліся роды жанчыны, аперацыя па ампутацыі нагі мужчыны і яшчэ дзве аперацыі жанчынам. Паведамлялася, што здымкі зробленыя ў адной з мінскіх клінік. У Instagram іх выклала карыстальніца з акаўнту @tanyamytanya. Калі выбухнуў скандал, аўтарка фота знішчыла свой акаўнт, але здымкі ўжо сталі гуляць у інтэрнэце.

Фота — onliner.by