Лябедзька: 50 чалавек ужо могуць планаваць сістэмную падрыхтоўку да выбараў
Папярэдні спіс кандыдатаў на ўдзел у выбарах у Палату прадстаўнікоў ухвалены Палітрадай Аб’яднаных дэмакратычных сілаў. Пра гэта Еўрарадыё паведаміў старшыня АГП Анатоль Лябедзька.
Паводле яго словаў, спісы на зацверджанне 10 лютага падалі тры рэгіянальныя кааліцыі – Мінская гарадская, Гомельская і Віцебская. Па Гомельскай вобласці ўзгодненыя кандыдатуры па ўсіх 17 акругах, у Мінску – па 19 акругах з 20-ці, па Віцебшчыне – 14 з 16-ці.
Ёсць спісы і па іншых абласцях, узгодненыя дэ-факта, але іх зацвярджэнне адбудзецца толькі на наступным паседжанні Палітрады.
"Сёння 50 чалавек ужо могуць планаваць сістэмную падрыхтоўку да выбарчай кампаніі. Такога ніколі раней не было. Гэта ўпершыню і гэта безумоўна пазітыў!", кажа Лябедзька.
Адзначым, што найбольшае прадстаўніцтва ў зацверджаным агульным спісе маюць сябры Партыі БНФ і АГП.
Паводле звестак БелаПАН, у Мінску збіраюцца балатавацца вопытныя ўдзельнікі выбарчых кампаній Валянціна Палевікова, Аляксандр Дабравольскі, Станіслаў Багданкевіч, Аляксандр Бухвостаў, Вінцук Вячорка, Алесь Міхалевіч, Сяргей Калякін, Анатоль Лябедзька.
Паводле яго словаў, спісы на зацверджанне 10 лютага падалі тры рэгіянальныя кааліцыі – Мінская гарадская, Гомельская і Віцебская. Па Гомельскай вобласці ўзгодненыя кандыдатуры па ўсіх 17 акругах, у Мінску – па 19 акругах з 20-ці, па Віцебшчыне – 14 з 16-ці.
Ёсць спісы і па іншых абласцях, узгодненыя дэ-факта, але іх зацвярджэнне адбудзецца толькі на наступным паседжанні Палітрады.
"Сёння 50 чалавек ужо могуць планаваць сістэмную падрыхтоўку да выбарчай кампаніі. Такога ніколі раней не было. Гэта ўпершыню і гэта безумоўна пазітыў!", кажа Лябедзька.
Адзначым, што найбольшае прадстаўніцтва ў зацверджаным агульным спісе маюць сябры Партыі БНФ і АГП.
Паводле звестак БелаПАН, у Мінску збіраюцца балатавацца вопытныя ўдзельнікі выбарчых кампаній Валянціна Палевікова, Аляксандр Дабравольскі, Станіслаў Багданкевіч, Аляксандр Бухвостаў, Вінцук Вячорка, Алесь Міхалевіч, Сяргей Калякін, Анатоль Лябедзька.
