Лукашэнку не падабаецца, што чыноўнікі перасядаюць з крэсла ў крэсла(відэа)

На ёй абмяркоўваўся праект дэкрэта "Аб узмацненні барацьбы з безгаспадарчасцю і павышэнні патрабаванняў да кіруючых кадраў усіх узроўняў", інфармуе БЕЛТА. 

Аляксандр Лукашэнка заявіў, што павысіць эфектыўнасць гаспадарання немагчыма без выкаранення безгаспадарчасці, узмацнення попыту і павышэння адказнасці кіруючых кадраў. 

Ён нагадаў, што даручаў Адміністрацыі прэзідэнта падрыхтаваць нарматыўны акт, у якім выразна пазначыць пазіцыю дзяржавы ў дачыненні да тых, хто дапускае правалы ў працы. "Нельга мірыцца з сітуацыяй, калі кіраўнік, які праваліў справу, бяздарны і, горш за тое, нячысты на руку, спакойна перасядае з аднаго сытнага і цёплага месца ў іншае", — адзначыў Лукашэнка. 

Беларускі кіраўнік заявіў, што кумаўство, пратэкцыянізм і кругавая парука наносяць велізарную шкоду не толькі канкрэтнаму прадпрыемству або арганізацыі, але і краіне ў цэлым: "Людзі бачаць усё і пераносяць сваё абурэнне часцяком на тыя органы ўлады, якія дапускаюць такія падыходы ў кадравай палітыцы". 

Ён запатрабаваў большай пільнасці ў кадравай палітыцы. 

Фота — БЕЛТА