Лукашэнка збіраецца ўдвая скараціць дзяржапарат
Аб гэтым кіраўнік дзяржавы заявіў сёння, прымаючы кадравыя рашэнні.
“У бліжэйшы час мы яшчэ раз падыдзем да значнага скарачэння дзяржаўных служачых. Не таму, што яны дрэнныя, а таму, што нам трэба падымаць выканальніцкую дысцыпліну”, - цытуе словы кіраўніка дзяржавы БелТА.
Аляксандр Лукашэнка адзначыў, што за кошт чарговага скарачэння дзяржапарату будзе павышана заработная плата дзяржаўных служачых, а таксама іх статус.
Папярэняе скарачэнне чыноўнікаў было ў мінулым годзе. Тады свае пасады страцілі каля 25% дзяржслужачых. Што праўда, усе яны былі працаўладкаваныя ў іншых месцах.