Лукашэнка заклікаў пераводзіць кацельні з расійскага газа на беларускую драўніну

Аляксандр Лукашэнка лічыць, што вытворчасць цеплавой энергіі трэба пераводзіць на мясцовыя віды паліва. Так яе сабекошт атрымліваецца значна ніжэйшым, чым калі выкарыстоўваць прыродны газ.

Па словах Лукашэнкі, у Віцебску ёсць кацельня, якую перавялі з газу на дранку. Сабекошт "цяпла" знізіўся на 35%. "А вось у Брэсцкай вобласці працуюць на газе, маюць сабекошт Br100 і лічаць гэта нармальным. Там што, няма драўніны? Або яны газ дзесьці танней бяруць?", — задаўся пытаннем кіраўнік краіны.

Аднак і з выкарыстаннем мясцовых рэсурсаў не ўсё добра. Праверкі сістэматычна выяўляюць факты выкарыстання переўвільготненага драўнянага паліва, кажа Лукашэнка. Гэта прыводзіць да зніжэння каэфіцыента карыснага дзеяння катлоў да 30%. А закупка паліва ў пасрэдніцкіх структур і без правядзення адпаведных тэндараў вядзе да завышэння сабекошту цеплавой энергіі. 

Такія факты былі выяўлены ў Полацку, Брэсце, Скідзелі. Па звестках Лукашэнкі, часам розніца ў коштах дасягае двух разоў.

Аляксандр Лукашэнка згадаў і пра стан самой кацельнай гаспадаркі: "Многія кацельні будаваліся даўно, з савецкім размахам і імкненнем да гігантызму. А мы сёння пажынаем плён, калі часцяком магутны кацёл працуе на ацяпленне аднаго-двух дамоў".