Лукашэнка прызначыў міністраў-прапагандыстаў. Імі сталі Дзмітрый Жук і Марат Маркаў
Міністры-прапагандысты Марат Маркаў і Дзмітрый Жук / Калаж Еўрарадыё
У беларускім урадзе адбыліся кадравыя перастаноўкі. Новым міністрам інфармацыі прызначаны Дзмітрый Жук, вядомы прапагандыст і галоўны рэдактар дзяржаўнага медыяхолдынга "СБ. Беларусь сёння". Жук некалькі гадоў кіраваў прэзідэнцкай прэс-службай, займаў пасаду генеральнага дырэктара дзяржаўнага інфармацыйнага агенцтва БелТА, уваходзіў у санкцыйныя спісы ЕС і Швейцарыі за ўдзел у распаўсюдзе афіцыйнай прапаганды і падтрымку жорсткіх рэпрэсій у краіне.
Былы міністр інфармацыі Марат Маркаў, таксама вядомы як прапагандыст рэжыму, цяпер прызначаны міністрам культуры. Акцёр тэатра і кіно Руслан Чарнецкі, які займаў гэтую пасаду крыху больш за год, на сваім месцы не затрымаўся.
