Лукашэнка пра паездку ў Маскву: "Ну, паедзем правядзем парад"
![Лукашэнка пра паездку ў Маскву: "Ну, паедзем правядзем парад"](/sites/default/files/styles/gallery_main/public/2023-08/rts316b7_1.jpg.webp?itok=zNKZL8he)
16 чэрвеня падчас наведвання Гродна Аляксандр Лукашэнка заявіў пра няпростую сітуацыю з каранавірусам у Расіі. Паводле яго слоў, у расійскай сталіцы "яшчэ неяк спраўляюцца", паколькі ідзе падрыхтоўка да параду Перамогі. Ён быў перанесены з 9 траўня на 24 чэрвеня ў сувязі з пандэміяй каранавіруса. У Мінску ж парад не праносіўся.
"Як жа: беларусы правялі парад 9 траўня, а Расія не правяла — трэба праводзіць, — цытуе словы Лукашэнкі яго прэс-служба. — Ну, паедзем правядзем парад. Але абстаноўка вельмі цяжкая, і мы, вядома, так пазіраем на сваіх родных братоў, каб да нас гэта не вярнулася. Думаю, не вернецца, таму што мы не зачыніліся".
Як вядома, беларускі кіраўнік паедзе на парад у Маскву.
Аляксандр Лукашэнка даказваў працоўным "Гродна Азота" слушнасць палітыкі ў Беларусі ў дачыненні каранавіруса. "Той, хто ізаляваў народ. атрымаў другую хвалю", — заявіў ён. Паводле слоў Лукашэнкі, яго радуе, што ў нашай краіне "гэты няшчасны вірус аслабеў".
У Беларусі пацверджаныя 55 369 выпадкаў COVID-19 (+689 за суткі), памерлі 318 чалавек (+6). У Расіі зарэгістравана 545,4 тысячы выпадкаў заражэння (+8248), памерлі 7284 чалавекі (+193).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.