Лукашэнка — пра лідараў Захаду: "Чагосьці не хапае ў ніжняй частцы цела"
Падчас свайго штогадовага паслання парламенту і народу Аляксандр Лукашэнка выступіў з крытыкай на адрас заходніх лідараў. Па яго словах, яны карыстаюцца двайнымі стандартамі, калі крытыкуюць ужыванне сілы з боку беларускіх уладаў. Маўляў, у еўрапейскіх краінах супраць пратэстоўцаў ужываюць вадамёты і газ.
"Людзі з боепрыпасамі, са зброяй з усіх бакоў пруць у краіну", — абмаляваў сітуацыю ў Беларусі Лукашэнка.
Потым ён у сваёй улюбнай форме ахарактарызаваў заходніх лідараў: "У вашых кіраўнікоў чагосьці не хапае ў ніжняй частцы цела".