Лукашэнка ляціць на Еўрапейскія гульні ў Баку
Рабочы візіт кіраўніка Беларусі працягнецца з 11 да 13 чэрвеня.
Аляксандр Лукашэнка наведае з рабочым візітам Азербайджан. Ён працягнецца з 11 да 13 чэрвеня. Як інфармуе прэс-служба кіраўніка дзяржавы, Лукашэнка прыме ўдзел у афіцыйнай цырымоніі адкрыцця I Еўрапейскіх гульняў.
Таксама кіраўнік Беларусі правядзе ў Баку шэраг двухбаковых сустрэч, наведае некаторыя спартыўныя аб'екты.
Адзначым, што ў адкрыцці Еўрапейскіх гульняў паўдзельнічае і прэзідэнт Расіі Уладзімір Пуцін. Цырымонія запланаваная на вечар 12 чэрвеня.
Першыя ў гісторыі Еўрапейскія гульні пройдуць у Баку з 12 да 28 чэрвеня. Падчас спаборніцтваў будуць разыграныя 253 камплекты медалёў у 20 відах спорту. У далейшым Еўрапейскія гульні будуць праводзіцца адзін раз у чатыры гады.
Фота: ria.ru
