Лукашэнка і Пуцін абмеркавалі перамогу Трампа і сваю будучую сустрэчу
![Лукашэнка і Пуцін абмеркавалі перамогу Трампа і сваю будучую сустрэчу](/sites/default/files/styles/gallery_main/public/2023-08/alupkommersant715.jpg.webp?itok=74OXlPf4)
У сераду, 9 лістапада, у другой палове дня адбылася тэлефонная гутарка кіраўнікоў Беларусі і Расіі. Як інфармуе БЕЛТА са спасылкай на прэс-службу беларускага кіраўніка, Аляксандр Лукашэнка і Уладзімір Пуцін гаварылі пра "праблемныя аспекты ў беларуска-расійскім узаемадзеянні". Адзначаецца, што "рашэнні па ім прапрацоўваліся ўрадамі дзвюх краін". Яны будуць прынятыя на працягу бліжэйшых двух тыдняў на сустрэчы Лукашэнкі і Пуціна. Верагодна, гаворка ідзе пра пытанні цаны на расійскі газ і пра пастаўкі нафты ў Беларусь.
Кіраўнікі Беларусі і Расіі абмеркавалі вынікі прэзідэнцкіх выбараў у ЗША, на якіх перамог кандыдат ад Рэспубліканскай партыі Дональд Трамп. Гаворка ішла пра тое, як перамога Трампа можа паўплываць "на развіццё рэгіянальных і глабальных працэсаў".
Лукашэнка расказаў Пуціну падрабязнасці пра свой нядаўні візіт у Катар і Аб'яднаныя Арабскія Эміраты.