Лукашэнка дамагаецца, каб беларусы больш ацяплялі і гатавалі электрычнасцю

Аляксандр Лукашэнка на нарадзе / president.gov.by​
Аляксандр Лукашэнка на нарадзе / president.gov.by​

Саўмін Беларусі разам з аблвыканкамамі і Мінгарвыканкамам распрацуе праграму, скіраваную "на істотнае павелічэнне электраспажывання для патрэб ацяплення, гарачага водазабеспячэння і харчовых прадуктаў". Пра гэта 1 ліпеня распарадзіўся Аляксандр Лукашэнка.

У падпісаным ім распараджэнні №119 "Аб дадатковых мерах па рашэнні актуальных пытанняў жыццядзейнасці насельніцтва", у прыватнасці, сказана пра спецыфічныя ільготы, на якія гатовыя пайсці ўлады. Ільготныя ўмовы будуць пашыраныя для тых, хто ацяпляе электрычнасцю жылыя памяшканні і садовыя дамкі (дачы).

Акрамя таго, у Беларусі павінны быць створаныя "найбольш спрыяльныя ўмовы" з мэтай паўсюднага развіцця электратранспарту. "З улікам сусветнага вопыту".

У Беларусі блізкае да завяршэння будаўніцтва атамнай электрастанцыі пад Астраўцом. Нядаўна яе запуск чарговы раз перанеслі — на 2021 год. Але гэта ўсё роўна хутка.

Пакуль жа наша краіна вырабляе электраэнергію з вуглевадародаў, якія закупляюцца пераважна ў Расіі. У асноўным — з прыроднага газу. Яго кошт рэгулярна становіцца прычынай канфліктаў. 

Гэты год — не выключэнне. "Газпрам" пастаўляе Беларусі газ па 127 даляраў за 1000 кубаметраў — гэта прадугледжана кантрактам. Між тым, на сусветных рынках цана на газ істотна знізілася ўслед за падзеннем цэныў на нафту. Аднак расійская кампанія адмаўляецца зніжаць цану для Беларусі.

Апошнія навіны

Галоўнае

Выбар рэдакцыі