Літва заяўляе, што беларускія памежнікі патрабавалі ўскрыць дыппошту
Літва вінаваціць беларускія ўлады ва ўмяшанні ў дыпламатычную пошту. Амбасадар Беларусі выкліканы ў МЗС Літвы.
Літоўскага дыпкур'ера, які вёз з Вільні дакументы, прызначаныя для амбасады ў Мінску, беларускія памежнікі папрасілі адкрыць запячатаны кантэйнер.
Кур'ер адмовіўся. Тады памежнікі не далі яму праехаць і адправілі назад у Літву.
"Затрыманне на дзяржаўнай мяжы аўтамабіля з дыпламатычнай поштай з'яўляецца сур'ёзным парушэннем Венскай канвенцыі аб дыпламатычных зносінах. Беларусь яшчэ раз прадэманстравала, што для гэтай дзяржавы больш не існуе правілаў цывілізаванага свету. Гэта бушуючая дыктатура ў цэнтры Еўропы", — заяўляе міністр замежных спраў Габрыэлюс Ландсбергіс.
#Lithuania expresses strong protest over an unprecedented obstruction of the mission of a Lithuanian diplomatic courier at the Lithuanian-Belarusian state border.
— Lithuania MFA (@LithuaniaMFA) June 4, 2021
FM @GLandsbergis: This is a grave breach of the Vienna Convention on Diplomatic Relations.https://t.co/prAEIBCOut pic.twitter.com/EtvYy7QTFX
