Літва ўручыла Беларусі ноту пратэсту з-за памежнікаў, якія парушылі мяжу
![Літва ўручыла Беларусі ноту пратэсту з-за памежнікаў, якія парушылі мяжу](/sites/default/files/styles/gallery_main/public/2023-08/gabrieliaus-landsbergio-ir-sviatlanos-cichanouskajos-spaudos-konferenc-87978085.jpg.webp?itok=AIkkKavg)
Літва ўручыла Беларусі ноту пратэсту з-за 12 памежнікаў, якія парушылі мяжу. Пра гэта паведаміў літоўскі міністр замежных спраў Габрыэлюс Ландсбергіс.
"Мы інфармавалі Беларусь, што здарэнне зафіксавана, яно выклікае глыбокую заклапочанасць, паколькі мы лічым гэта яшчэ адной правакацыяй, павышэннем тэмпературы ў і так ужо даволі напружанай сітуацыі, — цытуе словы міністра Delfi. — Мы заклікаем ўстрымацца ад здарэнняў, якія нават могуць быць расцэненыя як правакацыя, ужо не кажучы аб сапраўдных правакацыях".
Улады Літвы паведамілі пра інцыдэнт партнёрам па ЕС і NATO. Пры гэтым Ландсбергіс адзначыў, што рэакцыі ўладаў Беларусі на перасцярогі з боку Літвы сталі больш спакойнымі, чым былі раней.
Напярэдадні літоўскія памежнікі заявілі, што на тэрыторыю Літвы ўвайшло 12 беларускіх сілавікоў са шчытамі і дубінкамі, якія суправаджалі іракскіх мігрантаў, "падштурхоўвалі" іх на літоўскую тэрыторыю. Беларускія памежнікі заявілі, што "падштурхоўвалі" мігрантаў літоўцы. Кожны бок выклаў відэа інцыдэнта.
Очередные свидетельства «демократии» по-литовски
— Госпогранкомитет Беларуси (@GpkGovBY) August 17, 2021
Инцидент зафиксирован сегодня на участке Лидского пограничного отряда.
Среди людей есть дети, в том числе грудные, а также беременная женщина.
Все просьбы о предоставлении убежища литовские пограничники намеренно игнорируют. pic.twitter.com/BrjUE2qZO5
Illegal #migration challenge at the external border with Belarus indicates the need to revise #MigrationPolicy & seek greater EU involvement in border protection & migration issues. Discussed it w/@EP_President today. @Europarl_EN role is critically important. pic.twitter.com/AUcOrTpPGj
— Gitanas Nausėda (@GitanasNauseda) August 18, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.