Літва ўмацоўвае абарону: плануецца набыццё танкаў на 2 млрд еўра

Літва плануе набыццё танкаў на 2 млрд еўра. "Гэта стане адной з найбуйнейшых закупак... — не толькі для войска, але і для Літвы агулам", — цытуе Delfi словы Кястуціса Будрыса, галоўнага дарадцы літоўскага прэзідэнта Гітанаса Наўседы. Ён дадае, што гаворка ідзе не толькі пра танкі, "але і боепрыпасы, лагістыку, забеспячэнне".

Пакуль яшчэ не прынятае рашэнне, якія танкі купіць Літва. Па адной з версій, яны будуць нямецкай вытворчасці.

Умацаванне абароны Літвы адбываецца на фоне вайны ва Украіне і правакацыйных заяў, якія агучваюць Аляксандр Лукашэнка і Уладзімір Пуцін. У канцы вясны было аб'яўлена пра фармаванне ў літоўскім войску танкавага батальёну.