Літва мае 100 пытанняў да бяспекі БелАЭС. Ці вартыя яны ўвагі (відэа)
Літоўская Дзяржінспекцыя па атамнай энергетыцы паведаміла, што Літва сфармулявала больш за 100 заўваг і пытанняў па ўстойлівасці БелАЭС да ўздзеяння ў экстрэмальных сітуацыях. Чаму літоўскіх экспертаў не задавальняе праведзеныя беларускім бокам стрэс-тэсты атамнай станцыі ў Астраўцы? Пытанні, якія маюць літоўскія эксперты да БелАЭС, вартыя ўвагі ці больш падобныя да палітызаваных прыдзірак? Ці толькі агучанымі літоўскім бокам пытаннямі абмяжоўваюцца прэтэнзіі да атамнай станцыі?
На гэтыя ды іншыя пытанні ў жывым эфіры Еўрарадыё адказвала беларускі эколаг Ірына Сухій. У размове па тэлефоне з Масквы ўзяў удзел расійскі фізік-ядзершчык Андрэй Ажароўскі.
