Літовец спісаў інвестыцыі ў беларускую сетку Mart Inn на страты
![Дайнюс Дундуліс / BNS](/sites/default/files/styles/gallery_main/public/2023-08/Dajn.jpg.webp?itok=Pp8oe9g4)
Дайнюс Дундуліс / BNS
Літоўскі бізнесмен Дайнюс Дундуліс спісаў інвестыцыі ў беларускую сетку Mart Inn на страты. Ён прызнае, што ўкладанне грошай у Беларусь (а гэта больш за 4 млн долараў) было памылкай, піша lrt.lt.
"Наша рашэнне было сапраўды няправільным, што мы наогул выйшлі на гэты рынак, і зараз у нас ёсць тое, што мы маем", — кажа Дундуліс. Ён кантралюе 13% Mart Inn. Паводле яго слоў, яе заснавальнікі Міндаўгас і Гінтарас Марцінкявічусы даўно шукаюць пакупніка.
11 лістапада Аляксандр Лукашэнка заявіў, што не дазволіць замежным інвестарам выходзіць з беларускіх кампаній. Ён прыгразіў, што такія кампаніі будуць нацыяналізаваць. Яшчэ летам у РБ склалі "чорны спіс" кампаній з замежным капіталам, уладальнікам якіх забаронена прадаваць свае акцыі. Літва ж можа адказаць на магчымую нацыяналізацыю літоўскага бізнесу ў Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.