Літоўскія мытнікі аднавілі афармленне аўто ў трох пунктах пропуску

Літоўскі бок аднавіў мытнае афармленне ў трох пунктах пропуску на мяжы з Беларуссю. Пра гэта паведамляе Дзяржаўны памежны камітэт нашай краіны.

Як перадавала Еўрарадыё, зранку 12 верасня ў трох пунктах пропуску на мяжы ў літоўскіх мытнікаў узніклі праблемы з праграмным забеспячэннем. Гаворка ідзе пра "Мядзінінкай" (сумежны беларускі пункт пропуску "Каменны Лог"), "Лаварышкес" ("Катлоўка"), "Шумкас" ("Лоша"). Там спынілі мытнае афармленне грузавога і легкаваога аўтатранспарту ў абодвух напрамках.