Літоўцы апублікавалі відэа перавозкі кантрабандных цыгарэт з Беларусі на цягніку
У інтэрнэце з'явіўся відэазапіс, як з Беларусі на цягніку перавозяць кантрабандныя цыгарэты. Апублікавала яго прэс-служба памежнага ведамства Літвы.
Відэа зробленая з верталёта. На ім бачна, як на даху аднаго з вагонаў знаходзяцца каробкі і чалавек.
За 2021 год літоўскія памежнікі паведамілі пра 379 выпадкаў цыгарэтнай кантрабанды. Іх "здабычай" сталі 2,4 мільёна пачкаў кантрабандных цыгарэт. Цягнікамі перавозілася каля 40% кантрабандных цыгарэт, выяўленых сёлета ў Літве.
