Лідар гурта "Дай дарогу" атрымаў правы шкіпера
Шкіперскае пасведчанне Стыльскага / фота з яго акаўнту ў Фэйсбуку
Лідар гурта "Дай дарогу" Юрый Стыльскі вывучыўся ў Польшчы на шкіпера і атрымаў правы капітана для кіравання паруснай яхтай. Пра гэта ён расказаў у сваіх акаўнтах у сацсетках.
"Сябры, сёння я з гонарам паведамляю, што атрымаў пасведчанне Inshore Skipper ад Міжнароднай асацыяцыі паруснага спорту (ISSA). Гэта новая хваля ў маім жыцці, і я шчаслівы, што ўсё ідзе патрэбным курсам", — напісаў Стыльскі.
Таксама ён з гумарам прапанаваў новую форму звароту: "З гэтага часу вы можаце зваць мяне — мой капітан!"
Сертыфікат ISSA Inshore Skipper дае права кіраваць паруснай або маторнай яхтай самастойна, а таксама браць яхту ў чартар (арэнду) па ўсім свеце.
