Летась Мінгандлю прыпыняла працу 74 аб'ектаў грамадскага харчавання
![Летась Мінгандлю прыпыняла працу 74 аб'ектаў грамадскага харчавання](/sites/default/files/styles/gallery_main/public/2023-08/000021_158005_bigbelta.jpg.webp?itok=f7IYUui1)
Летась Міністэрства гандлю Беларусі прыпыняла працу 74 аб'ектаў грамадскага харчавання. Сёлета іх ужо 14. У пачатку студзеня парушэнні выявілі ў Гомелі, Віцебску, Магілёве, Брэсце, Салігорску. Гэта пераважна аб'екты, якія працуюць у вечаровыя і начныя гадзіны.
Як інфармуе прэс-служба Мінгандлю, сярод парушэнняў — невыкананне рэжыму працы, выкарыстанне неправераных вагаў, неналежны кантроль за бяспекай і якасцю прадуктаў, выкарыстанне пратэрмінаваных прадуктаў для прыгатавання страваў. З дзевяці аб'ектаў грамадскага харчавання праца трох прыпынялася, а ў адносінах вінаватых асобаў распачалі адміністрацыйны працэс.