Лаўроў пракаментаваў спробы Беларусі выбудаваць дыялог з ЕС і NATO
Сяргей Лаўроў пракаментаваў спробы Беларусі выбудаваць дыялог з ЕС і NATO. Міністр замежных спраў Расіі 22 лістапада ўдзельнічае ў сумесным пасяджэнні калегій МЗС Беларусі і Расіі, якое праходзіць у Мінску.
"Цэнім тое, што нашы беларускія сябры выбудоўваюць дыялог з Еўрасаюзам і Паўночнаатлантычным альянсам з улікам сваіх абавязацельстваў у дачыненні да ЕАЭС і АДКБ", — цытуе словы Лаўрова БЕЛТА.
Таксама расійскі міністр гаварыў пра тое, што Расія падтрымлівае намер нашай краіны актывізоўваць кантакты з Саветам Еўропы.
Падчас сённяшняга пасяджэння калегій знешнепалітычных ведамстваў абмяркоўваецца супрацоўніцтва Беларусі і Расіі ў сістэме ААН, узаемадзеянне краін па лініі Еўрасаюза і Савета Еўропы, пытанні інтэграцыі, супрацьдзеянне спробам фальсіфікацыі гісторыі і перагляду вынікаў Другой сусветнай вайны.
