Лаўрэаты Нобелеўскай прэміі: Германія мусіць адмовіцца ад расійскіх нафты і газу
Германія можа і нават павінна адмовіцца ад расійскіх нафты і газу. Такое меркаванне ў каментары BILD выказалі лаўрэаты Нобелеўскай прэміі па эканоміцы Абхіджыт Банэрджы і Эстэр Дзюфло.
"Германія — багатая краіна, у якой ёсць рэсурсы для пераразмеркавання /…/ Так, гэта будзе чагосьці каштаваць, але выкарыстоўваць слова "беднасць" у гэтым кантэксце — проста абсурд", — сказаў Банэрджы.
Дзюфло нагадала: па ацэнках уплывовых эканамістаў, эмбарга будзе каштаваць Германіі 0,3% ВУП, самыя горшыя сцэнары — 3%:
"Звярніце ўвагу, што 3% — гэта прыкладна тое, што каранавірус зрабіў з эканомікай. Было балюча, але можна было трываць. Улічваючы, што на карту пастаўлена ўся будучыня Еўропы як палітычнага ўтварэння, ахвяра падаецца апраўданай".
