Курсы долара і еўра 8 лістапада выраслі

На Беларускай валютна-фондавай біржы 8 лістапада прайшлі чарговыя таргі. Па іх выніках Нацбанк вызначыў новыя курсы асноўных валютаў. Курс долара працягнуў рост — з 1,9855 да 1,9908 беларускага рубля. Таксама павялічыўся і курс еўра — з 2,3058 да 2,3082 рубля. А вось курс расійскай валюты знізіўся: за 100 расійскіх рублёў сёння даюць 3,3631 беларускага рубля (напярэдадні — 3,3658).

У дачыненні да кошыка валютаў беларускі рубель аслаб на 0,04%.