Кухня, паэзія, музыка, рыбалка — чым цікавы фэст “Дом ля возера”?
Трохдзённы фэст “Дом ля возера” пройдзе з 9 па 11 жніўня ў вёсцы Навасады Вілейскага раёна. Мерапрыемства сёлета адбудзецца толькі другі раз, але ўжо стала вядомым. Пакуль толькі на рэгіянальным узроўні, але ў планах арганізатараў выйсці на рэспубліканскі. Бо мала хто можа прапанаваць удзельнікам фэсту праграму, дзе будуць і музыка, і паэзія, і рыбалка, і лекцыі.
Чаму былі абраны такія нязвыклыя фармат і праграма? На каго найперш разлічаны фэст? Ці варта чакаць, што прапанаванай праграмай зацікавяцца людзі з іншых рэгіёнаў Беларусі?
На гэтыя ды іншыя пытанні ў жывым эфіры Еўрарадыё адказвае арганізатар фэсту “Дом ля возера” Алег Куралесаў.
