"Крумкачы" маюць тры тыдні, каб пагасіць запазычанасці перад футбалістамі
Камітэт па статусе і пераходах Беларускай федэрацыі футбола разгледзеў 2 лютага заявы былых футбалістаў клуба "Крумкачы" наконт пагашэння запазычанасцяў.
Федэрацыя футбола вырашыла не ўжываць дадатковае пакаранне да клуба ў выглядзе знятох трох турнірных пунктаў. Падставай стала запэўніванне старшыні праўлення клуба Дзяніса Шунто, што запазычанасці перад футбалістамі будуць пагашаныя да 21 лютага 2018 года.
Разам з тым Федэрацыя пакінула забарону на рэгістрацыю новых футбалістаў у "Крумкачах".
Калі клуб не пагасіць запазычанасці перад былымі гульцамі ў вызначаны тэрмін, яго могуць усё ж такі пазбавіць турнірных ачкоў.
