Крэмль адказаў на рашэнне МАК адхіліць Расію ад Алімпіяды

Рашэнне Міжнароднага алімпійскага камітэта (МАК) пра адхіленне Расіі ад удзелу ў зімовай Алімпіядзе 2018 года патрабуе глыбокага аналізу. Пра такую заяву прэс-сакратара прэзідэнта Расіі Дзмітрыя Пяскова паведамляе "Новая газета".

"Цяпер, вядома, трэба выключыць эмоцыі і даволі сур'ёзна прааналізаваць тыя рашэнні, якія прыняў МАК у дачыненні да нашай краіны, перад тым, як выносіць нейкія меркаванні на гэты конт", — заявіў чыноўнік.

Ён нагадаў, што Расіі яшчэ належыць адказаць на шэраг пытанняў, для чаго ёй спатрэбяцца кантакты з МАК. Перад гэтым, па словах Пяскова, хутчэй за ўсё ў Расіі пройдзе Алімпійскі сход, дзе спартоўцы сфармулююць "нейкі кансалідаваны пункт погляду". Прадстаўнік Крамля заклікаў не паддавацца эмоцыям. 

5 снежня МАК адхіліў зборную Расіі ад Алімпіяды-2018, якая пройдзе ў Пхёнчхане. Расійскім спартоўцам, не замяшаным у допінг-скандалы, прапанавалі выступіць пад нейтральным сцягам. Ім забаронена дэманстраваць нацыянальны сцяг і герб Расіі, а таксама выконваць гімн. Былы міністр спорту Віталь Мутко пажыццёва адхілены ад удзелу ў Алімпіядах у любым выглядзе. 

Дарэчы, спартоўцы зборнай Расіі тым часам падалі апеляцыі ў Спартыўны арбітражны суд (CAS) у Лазане ў адказ на адхіленне каманды.