Колькі заплацяць за час на бальнічным? Парадак налічэнняў змяняецца
Бальнічны ў Беларусі
З 1 студзеня 2024 года ў Беларусі змяняецца парадак налічэння дапамогі па часовай непрацаздольнасці, а таксама па цяжарнасці і родах. Вось асноўныя змены ў тым, што тычыцца бальнічных.
Для вылічэння сум бальнічных пачнуць улічваць усе выплаты, па якіх налічваюцца ўзносаў на сацыяльнае страхаванне. І па асноўным месцы працы, і па сумяшчальніцтве.
Але пры гэтым калі ў адным месцы чалавек пайшоў на бальнічны, а ў іншым працягваў працаваць — лісток часовай непрацаздольнасці яму будзе ўвогуле не аплачаны, бо "фактычна не здарылася поўнай страты даходу".
З новага года для вызначэння выплат па бальнічным будуць вывучаць 18-месячны перыяд занятасці да квартала, калі чалавек захварэў. Прастоі, ініцыяваныя наймальнікам, і адпачынкі за свой кошт улічвацца не будуць.
Мінімальны памер бальнічнага з 1 студзеня будзе роўны не палове бюджэту пражытачнага мінімуму, як цяпер, а мінімальнаму заробку. А для тых, каму выплаты разлічваюцца з улікам сярэднядзённага працоўнага даходу, пры страхавым стажы ад 10 гадоў з першага дня бальнічнага кампенсуюць 100% заробку. Калі стажу менш — 80%.
