У Літву з тэрыторыі Беларусі перабраліся ўжо амаль 3,5 тысячы мігрантаў
117 нелегальных мігрантаў затрымалі літоўскія памежнікі за мінулыя суткі. Аб гэтым паведамляе Статыстычны дэпартамент Літвы. Гэта на 20 чалавек менш, чым днем раней.
З пачатку 2021 года літоўскія памежнікі перахапілі 3401 мігрантаў. Гэта ў 42 раза больш, чым за ўвесь 2020-ы год.
Большасцьзатрыманых за апошнія суткі назваліся грамадзянамі Ірака.
Літва абвінавачвае афіцыйны Мінск у гібрыднай агрэсіі і чакае падтрымкі Еўразвязу. ЕС, у сваю чаргу, збіраецца разгледзіць магчымасць новых санкцый супраць асобаў з Беларусі, якія займаюцца экспартам мігрантаў.
