Кніга Някляева “Лісты да Волі” выйшла ў Швецыі
Прэзентацыя прайшла ў дзень адкрыцця кірмашу ў Гётэборгу на стэндзе самай масавай і адной з найбольш папулярных шведскіх газет “Aftonbladet”.
Беларускага паэта і палітыка Уладзіміра Някляева прадставіў еўрапейскім выдаўцам і чытачам былы амбасадар Швецыі ў Беларусі Стэфан Эрыксан, інфармуюць naviny.by.
У шведскае выданне, апроч вершаў і паэмы, напісаных Някляевым у СІЗА КДБ, увайшлі ягоныя лісты з турмы да жонкі Вольгі, якіх не было ў беларускім выданні кнігі.
Кніжны кірмаш ў Гётэборгу — адзін з найбуйнейшых у Еўропе. Яго наведвальнасць за традыцыйныя чатыры дні працы складае не меней за 100 тысяч чалавек. Беларусь сёлета прадстаўленая на кірмашы кнігамі Уладзіміра Някляева і Святланы Алексіевіч.
