Кітайскага чыноўніка асудзілі на 14 гадоў за дарагія гадзіннікі

Былы кіраўнк упраўлення бяспекі працы правінцыі Шэньсі выклікаў гнеў інтэрнэт-карыстальнікаў, калі ў жніўні 2012 года яго сфатаграфавалі ўсмешлівым на месцы аўтааварыі, у якой загінулі 36 чалавек.

Пасля гэтага блогеры выявілі, што на гэтай фатаграфіі, а таксама на шмат якіх іншых у Ян Дацая дарагія гадзіннікі элітных марак. Чыноўнік не мог сабе дазволіць такія гадзіннікі на свой заробак. Гэта і стала прычынай расследавання.

Суд прызнаў Ян Дацая вінаватым у атрыманні хабару і ў валоданні "маёмасцю невыразнага паходжання". Яе ў чыноўніка канфіскуюць на карысць дзяржавы, паведамляе ВВС.

Летась чыноўніка звольнілі з пасады ў правінцыі Шэньсі за "сур'ёзную правіну", а ў лютым выключылі з камуністычнай партыі.
 

Фота — mignews.com.ua