Кіроўца Audi, які ў Мінску трапіў пад МАЗ, быў п'яны
![Кіроўца Audi, які ў Мінску трапіў пад МАЗ, быў п'яны](/sites/default/files/styles/gallery_main/public/2023-08/index2222.jpg.webp?itok=ufT08GZR)
Кіроўца Audi, які ў Мінску трапіў пад МАЗ, быў п'яны. У яго дачыненні распачалі крымінальную справу — за парушэнне правілаў дарожнага руху, якое пацягнула па неасцярожнасці смерць чалавека, інфармуе ў Telegram прэс-служба Следчага камітэта. ДТЗ адбылося пасля 2-й гадзіны ночы ў аўторак, 29 студзеня, на скрыжаванні Партызанскага праспекта і вуліцы Кабушкіна. Audi сутыкнуўся з МАЗам, які спыніўся на чырвонае святло святлафора. Кіроўца легкавіка і трое пасажыраў атрымалі цялесныя пашкоджанні, а 23-гадовы пасажыр ад атрыманых траўмаў памёр. Прызначаныя судова-медыцынскія і аўтатэхнічныя экспертызы.
Следчы камітэт, ДАІ