Кыргызстан хоча ўвайсці ў ЕАЭС яшчэ сёлета
Аб гэтым заявіў прэзідэнт краіны Алмазбек Атамбаеў.
"Мы спадзяемся паспець завяршыць іх (мерапрыемствы па ўваходжанні Кыргызстана ў ЕАЭС) да прызначанага тэрміну пры вашым актыўным садзейнічанні, а тэрмін я вам ужо агучваў — мы, вядома, хацелі б сустрэць Новы год у якасці паўнапраўнага ўдзельніка Саюза", — цытуе Атамбаева “Інтэрфакс”.
Кіраўнік Кыргызстана заявіў аб гэтым на пасяджэнні Вышэйшага Еўразійскага савета на ўзроўні кіраўнікоў дзяржаў з удзелам кіраўнікоў Арменіі і Кыргызстана ў Мінску.
