Кіраўніцтва справаў прэзідэнта прадае БМВ, які шукае Інтэрпол
Гандлёвы дом "Усходні", які займаецца продажам канфіскату і належыць Кіраўніцтву справаў прэзідэнта, прадае аўтамабіль БМВ, абвешчаны ў вышук па лініі Інтэрполу.
BMW Х5 (2011 года выпуску) прадаюць за 65 540 рублёў (крыху менш за 34 тысячы долараў).
У поўным апісанні аўто дадаецца, што яно "знаходзіцца ў вышуку па лініі Інтэрпола, эксплуатацыя магчымая толькі на тэрыторыі РБ".
Дарэчы, гэта не першы падобны казус у гандлёвым доме "Усходні". Як распавядала Еўрарадыё, у 2009 годзе тут прадавалі спайсы, канфіскаваныя ў наркагандляроў.
