Карае за палітыку з 2011 года: хто судзіць нобелеўскага лаўрэата Бяляцкага
![Суддзя Марына Запаснік з Уладзімірам Някляевым у судзе / Алена Танкачова, Facebook](/sites/default/files/styles/gallery_main/public/2023-08/%D0%BD%D0%B5%D0%BA%D0%BB.jpg.webp?itok=AfZiG5L4)
Суддзя Марына Запаснік з Уладзімірам Някляевым у судзе / Алена Танкачова, Facebook
Суд па “справе праваабаронцаў” пачаўся 5 студзеня ў судзе Ленінскага раёна Мінска. Сярод падсудных нобелеўскі лаўрэат Алесь Бяляцкі, яго намеснік Валянцін Стэфановіч і каардынатар кампаніі "Праваабаронцы за свабодныя выбары" Уладзімір Лабковіч. А таксама Зміцер Салаўёў, якога будуць судзіць завочна.
Суддзю ім падабралі не выпадковага. Гэта Марына Запаснік, якая выносіць палітычна матываваныя рашэнні з 2011 года. Па дадзеных платформы “Зубр”, на яе рахунку мінімум 113 рашэнняў — суткі і штрафы, а з 2020 года і крымінальныя тэрміны.
![Наказывает за политику с 2011 года: кто судит нобелевского лауреата Беляцкого](/sites/default/files/styles/default_image_paragraph/public/paragraphs/image/photo_2023-01-05_12-15-47.jpg.webp?itok=_CdQ3vcC)
Гэта Запаснік пакарала баскетбалістку Алену Леўчанку 15 суткамі за “ўдзел у несанкцыянаваных масавых мерапрыемствах”.
Таксама ў 2018 годзе яна прысудзіла 5 сутак палітвязню Мікалаю Статкевічу, які, згодна з пратаколам, на сваёй старонцы ў сацсетках заклікаў людзей удзельнічаць у акцыі каля КДБ "Ланцуг памяці". Улады, вядома, палічылі гэта незаконным.
У 2016 годзе Уладзіміру Някляеву дастаўся штраф 50 базавых. Такое пакаранне Запаснік палічыла суразмерным таму, што Някляеў браў удзел у акцыі пратэсту супраць фальсіфікацыі парламенцкіх выбараў на плошчы Незалежнасці ў Мінску.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.