Гулец зборнай Беларусі: Ідэальна, каб мы з Расіяй былі адной краінай
Футбаліст Цімафей Калачоў кажа, што заўжды лічыў Расію роднай і блізкай краінай.
Гулец футбольнай зборнай Беларусі Цімафей Калачоў выступіў з гучнай заявай. У інтэрв'ю "Прессболу" паўабаронца нацыянальнай каманды заявіў, што заўсёды лічыў Расію роднай і блізкай краінай.
Футбаліст кажа, што ў яго бацька беларус, а маці руская: "Так што для мяне наогул адрозненняў няма - адны і тыя ж людзі. І да Расіі стаўлюся выдатна. Наогул, ідэальна, калі б мы былі адной краінай".
Нагадаем, што зараз футбаліст гуляе за расійскі футбольны клуб "Растоў". Вельмі сумнеўна, што Калачову ўдалося б увайсці ў зборную Расіі, калі б Беларусь і Расія былі адной краінай.
Фота — football.by