Кандыдат сяльгаснавук прабыў дэканам гістарычнага факультэта два дні
Аляксандр Кісялёў / msu.by
Толькі два дні давялося кандыдату сельскагаспадарчых навук Аляксандру Кісялёву пабыць дэканам гісторыка-філалагічнага факультэта Магілёўскага дзяржаўнага універсітэта імя Аркадзя Куляшова, піша mogilev.media.
4 ліпеня яго імя і фотаздымак у якасці дэкана з’явіліся на афіцыйным сайце факультэта. А ўжо на наступны дзень рэктар універсітэта Дзяніс Дук выдаў загад аб прызначэнні 6 ліпеня новага дэкана гістфака — кандыдаткі гістарычных навук Марыі Мацюшэўскай.
Паводле крыніц выдання, перапрызначэнне дэкана гістфака адбылося пасля розгаласу ў СМІ.
Марыя Мацюшэўская — кандыдатка гістарычных навук, дацэнт. Раней працавала на кафедры археалогіі і спецыяльных гістарычных дысцыплін. Яна нарадзілася ў Оршы ў 1970 годзе, вучылася і ўсё жыццё працавала ў МДУ імя Аркадзя Куляшова.
