Кампартыя Расіі хоча, каб беларусы ўдзельнічалі ў выбарах прэзідэнта Расіі
У КПРФ падрыхтавалі праект закона, які дазваляе ўдзельнічаць у выбарах прэзідэнта краіны не толькі грамадзянам Расіі, але і грамадзянам Беларусі.
Пра падрыхтаваныя папраўкі ў 38-ы артыкул Канстытуцыі Расіі паведаміў дэпутат Дзярждумы Іван Нікітчук, перадае interfax.by. "Ёсць Саюзная дзяржава Расіі і Беларусі, чаму б нам не ўраўнаваць правы яго грамадзян? І там ёсць разумныя людзі, і тут", — заявіў дэпутат.
Кіраўнік фракцыі Сяргей Рэшульскі параіў аўтару ініцыятывы перадаць праект закона на разгляд у сакратарыят ЦК КПРФ. На думку Рэшульскага, ён знойдзе водгук у многіх сэрцах расійскіх грамадзян.
Фота — interfax.by
