Камерцыйнаму дырэктару "Silver Screen" прысудзілі 15 сутак
Камерцыйнаму дырэктару сеткі кінатэатраў "Silver Screen" Аляксандру Дземідовічу прысудзілі 15 сутак арышту, паведамляюць праваабаронцы.
Яго абвінавацілі ў непадпарадкаванні міліцыі (арт. 24.3 КаАП Беларусі). Гэта адзін з папулярных артыкулаў для пакарання іншадумцаў у Беларусі.
Як распавядала Еўрарадыё, Дземідовіча затрымалі на працоўным месцы 25 траўня. Па словах калег, па яго прыйшлі сілавікі ў цывільным.
Раней Дземідовіч працаваў на розных пасадах у TUT.ВY. Да разгрому партала ён узначальваў адно з падраздзяленняў камерцыйнай службы.
