Каля Варшавы затрымалі беларуса, які вёз чатырох нелегальных мігрантаў
Польскія памежнікі / twitter.com/Straz_Graniczna
Каля Варшавы польскія службы затрымалі 25-гадовага грамадзяніна Беларусі. Як паведамляе прэс-служба польскіх памежнікаў, здарэнне адбылося 30 снежня.
Хлопец кіраваў аўтамабілем, у якім вёз чатырох замежнікаў — аднаго іракца і трох сірыйцаў. Яны накіроўваліся да польска-нямецкай мяжы. Усе замежнікі трапілі ў Польшчу нелегальна. А сам кіроўца пратэрмінаваў час перабывання ў Польшчы.
За дапамогу ў арганізацыі незаконнага перасячэння мяжы беларуса арыштавалі. Яму пагражае да васьмі гадоў пазбаўлення волі.
